Eplamauk: 01/01/2007

þriðjudagur, janúar 30, 2007

Je ne parles pas francais

Je suis à la maison après un voyage à Paris. Il était fantastique! J'ai pris des photos et j'ai écrit un journal intime.

Ferðasaga og myndir eru væntanlegar en þessi mynd var tekin seinasta kvöld okkar í París.

þriðjudagur, janúar 23, 2007

Sveppasósugjémjólkurpasta

Þá fer þetta að bresta á. Aðeins þrír dagar í Parísarferðina og hef ég hafið hið viðbjóðslega erfiða ferli - pakka niður. Hvernig getur þetta verið svona erfitt? Ég á við vandamál að stríða.

Á morgun árla morguns leggjum við af stað í borg óttans en þar munum við koma til með að dvelja í tvær nætur. Eldsnemma á föstudagsmorgni, nánar tiltekið kl. 5, hefst svo svaðilförin mikla. Vúff ég fékk sommerfugl i maven þegar ég skrifaði þetta.
Ég ætlaði að birta Parísarplanið hérna þannig að þið mynduð nú vita hvað ég væri að gera í París á þeirri stundu sem þið eruð úti að skafa af bílnum eða fylgjast með klukkunni tifa í vinnunni. Þar sem ég er ekki svo ill ákvað ég að taka frekar með mér fjaðurpenna og frumbók og punkta niður hvern dag og koma svo með ferðasögu.

Prófin eru búin og eru menn kátir. Einkunnirnar eru komnar í hús og sem betur fer var hvergi fall. Hinsvegar hugsaði ég, eins og alltaf, þegar ég skoðaði einkunnirnar mínar að ég ætla að taka mig á á næstu önn. Ég ætla ekki að lofa neinum árangri, en ég mun gera mitt besta.

Mikið rosalega hlakka ég til að sjá nýju stundaskránna. Mikið rosalega hlakka ég ekki alveg eins mikið til að mæta á mánudagsmorgnum klukkan 6 í sund. Vonandi verður samt valáfanginn minn skemmtilegur, ég veit að það verður gaman að sitja á bekk með gömlum Effíngi (þú Anna) og skjóta skutlum.

Til að slútta þessu ætla ég að fylgja mainstream-inu og koma með smá myndablogg. Nokkrar vel valdar og góðar.

Katrín er krúttleg þegar hún sefur.

Ég og Erla fengum okkur eins tattú í Danmörku, geðveikt kúl.

Benni, Bjarni og Jónas ótrúlega kátir á gamla Oddvitanum.

Hestaferðin fræga. Hef sjaldan fengið jafn illt í magann vegna hláturs.

Árshátíð SA og Narfa. Ég og Ásta héldum aldeilis stuðinu uppi allt kvöldið.

Erla sæt og rjóð í kinnum og ég...já ég veit bara ekki.

Stelpukvöldin voru nokkur og svona helvíti góð í eldhúsinu í Ránargötu. Þetta er ábyggilega ógeðslegasta myndin sem hefur verið fest á filmu frá þeim kvöldum. Hatchet face.

Annað stelpukvöld, þrír svalir Effíngar að drekka skrúfjárn.

Leggingsfólkið. (Þessi mynd átti sumsé að birtast í grein einni í Muninsblaði, en nei).

Védís og ég í eldhúsinu í Forsamlingshuset (í Danmerkurferðinni frábæru) að metast um hvor sé með meira hliðarspik.

Óskýr mynd en samt svo hress, þá sérstaklega Waggie.

Ein góð af þríeykinu, sveittar og rjóðar.

Fini

föstudagur, janúar 19, 2007

Knippi mýldra taugunga í miðheila og mænukylfu

Nú sit ég í faðmi fjölskyldunnar, drekk hvítvín og spjalla meðan mamma flettir í gegnum draumaráðningabókina. Umræður kvöldsins var "foie gras" en þær umræður spruttu upp þegar við vorum að tala um Parísarferðina. Ég talaði um veitingastaðinn sem við ætlum á á hæðinni hjá Sacre Coeur og þá bætir pabbi við "já, þú verður að prófa foie gras". Ég neitaði harðlega og rökræddi við hann af hverju mér finnst rangt að borða foie gras. Fyrir ykkur sem vitið ekki hvað foie gras er, þá er það gæsalifur. Mér þykir mjög villimannlegt hvernig farið er með greyið skepnurnar. Ég vil samt ekki lýsa hvernig það er búið til, ég gæti gubbað.

Fjölskyldan mín er elskulegust. Forréttur, hvítvín, aðalréttur, rauðvín, eftirréttur. Verst að ég er ekki búin í prófum.

My advice is to get them off right after your shoes and before your trousers... that's the sock gap. Miss it and suddenly you're a naked man in socks. No self-respecting woman would let a naked man in socks do the squelchy with her.

Jeff veit sko hvað hann syngur.

miðvikudagur, janúar 17, 2007

Ungum er það allra best

Prófið fékk mig til að tárast. Ekki bætti ég úr því að glugga í bækur strax og ég kom heim til að sjá hvort ég hefði gert eitthvað vitlaust. Jújú, það VAR Gestur Pálsson sem samdi Hans Vöggur...Alltaf að halda sig við það sem maður skrifar fyrst!

Í fyrsta sinn á minni ævi óttast ég fall í íslensku, mér líður hræðilega.

Oft er sá í orðum nýtur,
sem iðkar menntun kæra.
En þursinn heimskur þegja hlýtur,
sem þrjóskast við að læra.

Það er miðvikudagur, dagur kölska. Mig vantar gleðiefni af einhverri sort.

Zit-Helmet

þriðjudagur, janúar 16, 2007

Something in the something system

Þrjú próf eftir, janúar er að verða búin, Frakkland eftir 10 daga. Hvað er í gangi?

Lífið er einhvern veginn svona núna. Fyrir utan próf.

Good things.

Hædí

fimmtudagur, janúar 11, 2007

Leash

Klukkan er tuttuguogtvöhundruð að kvöldi til, þýskupróf á morgun og ég er varla búin að læra eitthvað. Ég veit ekki af hverju en ég er óvenju róleg yfir þessari próftíð...eða róleg, ég er bara fýld, úldin og bitur.

Ég held ég reyni of mikið, ég er of metnaðargjörn í sumu sem ég tek mér fyrir hendur (ekki lærdómur) og endar það alltaf með því að ég krem mýsnar í höndunum. Sama þótt ég setji mér ströng markmið og er hörð við sjálfa mig, þá læt ég alltaf undan. Það þýðir ekkert að leita ráða því ég fer hvort eð er mínar eigin leiðir, sama hvað hver segir.
Ég hlusta ekki, ég læri ekki og ég skil ekki.

Heibba

föstudagur, janúar 05, 2007

My blue blankie

Jæja, þá er kominn tími á nýja færslu á nýju ári.

Ætli ég byrji ekki á því sem flestallir hafa verið að gera - einhvers konar summary af árinu 2006 og svo völvuspá fyrir árið 2007.

2006:
-Náttúrutónleikarnir í Reykjavíkurborg. Ég fékk í fyrsta skiptið að heyra rödd Bjarkar Guðmundsdóttur live, svo og Damien Rice. Það var geðveikt.
-Aníta Fanney fæddist þann 13. janúar.
-Blóðnasamánuðurinn mikli.
-Danaheimsóknin. Vandræðaleg augnablik við matarborðið, misskilningar og allt það skemmtilega. Ég og Erla skemmtum okkur konunglega.
-Ég varð 18 ára.
-Atvikið í stiganum í Gamla skóla. Einn daginn mætti ég í ullarsokkum, gleymdi að halda í handriðið...og rest is history. Reyndar var þetta eitt fyndnasta augnablik sem ég hef upplifað, eflaust enn fyndnara fyrir Erlu sem var fyrir aftan mig.
-Örlagaríka kvöldið er bróðir minn snéri á sér ökklann við það að reyna að bjarga mér úr sálarkrísu.
-Tryggvi Páll, Ásgeir Berg og Magni Þór fögnuðu sætum sigri í Gettu Betur keppninni og fóru heim með fallegan bikar.
-Ég hjólaði 80 kílómetra maraþon á ca. 4 tímum. Jú ég er stolt af því en nei ég ætla ekki að leggja þetta á mig aftur.
-Umferðaóhappið í Glerárgötu. Einhver gaur keyrði yfir á rauðu og beint í veg fyrir mig. Bíllinn eyðilagðist og ég fékk móðursýkiskast. Gaman að segja frá því að ég hef hitt þennan gaur allavega þrisvar sinnum á næturlífinu og hann er alltaf jafn hress og spyr hvernig ég hafi það.
-Skautaferðin til Piestany, Slóvakíu.
-Reykjavíkurferðin í júlí. Dramaliðið gisti í villunni hans Örvars og þar fóru fram góðar stundir, voða lítið um drama samt, skrítið.
-Damien Rice gaf út nýjan disk, 9.
-Erla varð 18 ára.

Völvuspá 2007:
-Ég dúxa í náttúrufræði 103.
-Ég fer upp í Eiffel turninn.
-Þjálfarinn okkar fer í megrun og tekur upp heilbrigðara líferni.
-Prequel af Starship Troopers kemur út og slær í gegn.
-Katrín fær sér margarítur í útskriftarferðinni, týnist í einn dag og kemur svo tilbaka með sporðdrekatattú á öxlinni.
-Hallur fær sér hermannaklippingu og rakar af sér skeggið.
-Strákarnir á Nezitic hefja störf að nýju, sterkari en nokkru sinni áður.
-Örvar hættir að reykja.
-Í ljós kemur að Friðgeir er í mafíunni og heitir í raun Luca Brasi.
-Taskan hans Þorvaldar slitnar og hann fær lánað veski hjá mér.
-Jónas týnir öryggisteppinu sínu (treflinum sínum).

Að lokum er ég með nokkrar myndir af síðasta kvöldi ársins.