Reykjavik
Á föstudaginn fórum ég, Tryggvi og Birkir til höfuðborgarinnar, hittum Örvar og fengum gistingu á setrinu hans. Það var margt og mikið bardúsað um helgina og ég jók kaffidrykkju mína um eina ögn eða tvær...Föstudagurinn...African Late á Ömmukaffi->Besta Late sem ég hef smakkað, ef ekki bara almennt besta kaffið.
...Kvöldið var óskup rólegt, röltuðum Laugarveginn og rákumst á einkennilegt fólk frá öllum heimshornum, fórum á Ömmukaffi og drukkum framúrskarandi kaffi sem ég er viss um að hafi komið alla leið frá Afríku.
Kvöldinu lauk nokkurn veginn á Café Paris þar sem við fengum voðalega smart matseðil og framan á matseðlinum var mynd af kaffihúsinu -Kaffistaðurinn sjálfur var allur upplýstur og kósí en fyrir utan staðinn var ís, snjór og kuldi. Ég skil ekki hvernig en gengilbeinu einni tókst að snúa borðunum við svo kuldinn var allur inni á Paris meðan kósí-heitin fóru út á götu,
en strákarnir fengu sinn Tuborg svo allt lék í lyndi.
Laugardagurinn...1) Venjulegt kaffi heima hjá Heiðbrá frænku->Maður var orðinn frekar þreyttur eftir amstur dagsins, þá var mjög gott að fá smá koffeinkikk og þetta venjulega kaffi stóð alveg fyrir sínu.
2) Strong Swiss Mocca á Café Paris->Kaffið kom mér á óvart, hélt að það yrði alltof sterkt, en maður fann vissulega örlítinn súkkulaðikeim og fékk alveg tvöfaldan koffein skammt. Gott sinnum tveir.
Laugardaginn byrjuðum við með bakkelsum frá Kökuhorninu. Eftir það fórum við í langt búðarráp sem lauk um 4 leytið. Ótrúlegt en satt þá keypti ég mér fæstar flíkur af öllum.
Leiðir skildust og ég fór í heimsókn til Grétars og Söru í Keflavík. Þar fékk ég skuggalega gott grillkjöt og piparsósan hennar Söru var þvílík bomba. Svo kíkkuðum við í stutt stopp hjá Heiðbrá þar sem spjallað var, kaffi drukkið og M&M borðað.
Seinna um kvöldið var lítið hægt að gera svo við fórum aftur í bæinn og stróluðum. Þá átti sá merki atburður sér stað er við vorum að labba upp Laugarveginn - jújú ég sá engan annan en Harrison Ford, skoðandi í búðargluggana og með henni var konan hans Calista Flockhart. Ég reyndi að láta strákana vita af þeim með þöglum aðferðum sem skiluðu engum árangri... Aðeins ég og Birkir sáum Indiana Jones svo ef þið kjósið að trúa mér ekki (sem ég efast nú um) þá hef ég Birki sem vitni. Það er ekki á hverjum degi sem maður sér Ally McBeal og Indiana Jones skoða í búðarglugga á Laugarveginum, þetta var án efa hápunktur ferðarinnar.
Kvöldinu lauk með slæmu sjónvarpsefni.
Sunnudagurinn...Cappuchino Caramel Smoothie í Álfheimum->Þessi bongódrykkur klikkar náttúrlega aldrei, nema í þetta sinnið vorum klakarnir alltof stórir. Nevertheless...Triumphant.
...Morgunmatur á American Style, örlítið meira búðarráp í Smáralindinni og svo haldið heim. Heimleiðin góð, kvikmyndaleikurinn skemmtilegur.
Allt í allt var þetta bara mjög góð helgi, gott að komast burt og slappa vel af áður en veturinn og ringulreiðin tekur við...
Veturinn verður svo sannarlega annasamur en samt sem áður leggst hann afar vel í mig.
Gaudium